حق الزوجة

[البلبلة]

السلام عليكم ورحمة الله وبركاته
لو سمحت يا شيخ زوجي عاوزني انجب اطفال وانا رافضة دلوقتي لان صحتي تعبانه ومش مستعدة وبقالي فترة اشعر بضيق في النفس كلما تعصبت او قمت بعمل اي مجهود ولو بسيط حتى لو اني صعدت سلم او حملت ابنتي الصغيرة لفترة طويلة صعدت بها السلم مثلا قلت لزوجي ان صحتي حاليا لا تسمح واشعر انه سيكون هناك ضرر على لو حدث حمل وطلبت تأجيل الأمر حتى اقوم بعمل الفحوصات اللازمة والكشف عند طبيب متخصص احنا الحمد لله معانا اربع اطفال ما شاء الله ولد وثلاث بنات زوجي يقول لي ان لم انجب مرة اخرى سيتزوج على لينجب هو من اخرى انا اشعر ان هذا ظلم والدين لم يأمر بذلك فما ذنبي انا ان لم استطع هل بعد ان فنيت عمري وصحتي من اجل اسعاده يكون هذا جزائي وقلت له ان يحمد ربه غيرة يشتهي طفل واحد وخاصة زوجي لا يهتم باطفاله ولا يراعيهم معي تارك المسؤلية كاملة لي من تربية ومزاكرة وكل شئ هو فقط يريد ان يصرف فقط عليهم وانا تعبانة جدا ومش قادرة اوفق بين البيت وطلبات العيال ومذاكرتهم وهو عاوز يخلف عيال وبس وميتعبش نفسه ويساعدني في مذاكرتهم ورافض يجبلهم مدرس او محفظ قرآن يساعدني شوية الاطفال اعمارهم متقاربة وتربيتهم صعبة مش عارفة اعمل ايه وجوزي اغلب فلوسه بيبعتها لابوه واخواته وانا وولاده اخر شئ بيفكر فيه علشان كده انا مش عاوزة ارهق نفسي علشان اسعاد غيري تاني قلتله لما تهتم بعيالك وتشوف طلباتهم وطلباتي ونكون اهم شئ في حياتك تبقى تطلب مني اضحي علشانك يا شيخ انا مستأمنش زوجي على عيالي لانه الفترة اللي بيقعدها في البيت بيكون جالس علي النت انا تعبت وهو رافض يسمع اي كلام او نقاش عاوز رأية يمشي في كل حاجه حتى لو غلط
دلوقتي انا غلطانة في ايه يا شيخ هل من حقي تأجيل الحمل ولا لأ ولو حسيت انه هيكون فيه ضرر على يبقى ذنبي ايه طيب علشان يكون جزائي كده وكلمت شكرا انه يتجوز على ويهملني اكتر انا وعيالة انا بجد تعبت خلاص مش عارفه ودايما واخد الدين ستارة ياخد اللي يعجبة منه ويسيب اللي ميعجبوش باصص ان حقة في التعدد علشان الاطفال ومش باصص لاسباب التعدد ايه وما دام ربنا راضيه ليه يفتري ويعاقبني بدل ما يحمد ربنا ويرضى بنصيبه ويساعدني في تربية العيال بدل ما يطلب زيادة

[الشيخ عيسى]

الحمدلله والصلاة والسلام على رسول الله وعلى آله وصحبه أجمعين ونسأل الله لكم الثابت والتوفيق
وعليكم السلام ورحمة الله وبركاته
من دواعي الزواج إستمرار مسيرة الإنجاب والتكاثر ومن سعادة الزوجين وجود الإنجاب والذرية التي بها تكوين الأسرة لذلك عليكما أن لا تمنعا الإنجاب في هذه الفترة التي تعتبر من أفضل فترات الإنجاب وقد شهد لذلك الطب بأن أحسن فترة للإنجاب هي فترة أول الشباب ثم الإنجاب لا يمنع الإستمرار في طلب العلم أو السفر ونحوه .
هذا أمر والأمر الآخر أفيدك أنه يجوز شرعاً تنظيم الحمل حسب إتفاق الزوجين على ذلك وللزوجة إقناع زوجها بالتريث عن الحمل لفترة من أجل راحتها ورجوع صحتها فهذا لاحرج فيه وينبغي للزوج التفاهم مع زوجته وإعطائها الفرصة للتنظيم إن كان فيه مصلحة .