الأردن ، عجلون

[أحمد حسان محمد بني نصر]

يعطيك ألف عافيه
بتمنى ترد ع سؤالي يا شيخ ..
أنا خطبت بنت من عندنا ، وإتفقنا أنا والبنت قبل ما نخطب إنو نكون مع بعض سوا ، ونحل أمورنا سوا ، وإنو أجيب ذهب ب ألفين دينار .. وبناءً على هذا الكلام خطبت البنت من بيت أهلها ل مدة ٨ أشهر تقريبا .. ل حتى جهزت بيتي ، وجهزت حالي
وكنت كل شهر يا شيخ أعطيها مصروفها الشخصي وأشتريلها شو ما بدها ، من أكل ولبس وطلعات وطشات ، وبطاقات ، يعني والله ما حرمت البنت من شي وعيشتها احلا عيشه ..
المهم ، بس جهزت حالي إجيت عليهم وحكيتلهم بيتي جاهز وحان الوقت نتجوز .. البنت رفضت وأمها .. وحكولي بدك تتجوز البنت بدنا ب ٥ الاف ذهب بعد ما كنا متفقين انو بدهم ب الفين ذهب .. وحكولي البنت بطلت تفهمك وإنتا إنسان معقد وتصرفاتك مع البنت مش طبيعيه ، مع إنو أقسم بالله ما عملت غير كل خير معاها .. وجبتلها تلفون جديد حقو ٧٠٠ دينار أردني ، كل يلي عملتو يا شيخ راح هباءً منثورا .. وحكولي البنت بدها تتطلق هيك من دون سبب .. وتطلقنا ، بسبب الطمع ، وفتنة والدتها
شو حكم البنت يا شيخ هون ..
بعد ما لعبو ب مشاعري ، وآذوني ، ودمرو حياتي
شو حكم البنت يا شيخ .. بتمنى ترد يا شيخ 😞💔

[الشيخ عيسى]

الحمدلله والصلاة والسلام على رسول الله وعلى آله وصحبه أجمعين ونسأل الله لنا ولكم الثبات والتوفيق
وعليكم السلام ورحمة الله وبركاته
أولاً : إذا كان ما ذكرته من الاتفاق جرى معهم ثم بعد ذلك خالفوا فهذا لا يجوز شرعاً لأنهم اخلفوا الاتفاق ونقضوا عهداً بينك وبينهم ولك الحق بمطالبة ذلك شرعاً إذا رغبت .
ولا شك أن هذا التصرف لا يجوز شرعاً .