السلام عليكم
احيانا تاتي للشخص افكار وتخيلات تقدر تقول حديث نفس
مثلا اكون بالسياره افكر بشي مستقبلي ومشكله وسيناريو ماصار اساسا ،،
ونا شخص متزوج من فتره وصار لي هالموقف بيوم من الايام كنت بسيارتي وعقلي مشغول تفكيرر وعادتي لاصرت وحدي تاتيني افكار وتخيلات بعقلي وكنت قاعد اتخيل ان صار مشكله ورسمت لها قصه بعقلي ومادريت وبين الكلام والردود بعقلي الا نطقت كلمة الطلاق (( ماكنت ابي اقولها لاكن نطق فيها لساني وانا مندمج بالخيال ))
مع العلم ماكانت زوجتي معي وقتها ومافي مشكله بيننا في ذاك الوقت واللي وقتها كان تخيلات لشي مستقبلي ان صار مشكله لاكن مع التفكير والتخيل نطقتها ومتاكد اني نطقتها ماهي وسوسه لاكن ماكنت ابي انطق الكلمه ، نطقها لساني ونا ساهي ومندمج بالتفكير والتخيل
فهل وقع الطلاق في هالحاله ؟!