وسواس ام حقيقة

[رفاء]

السلام عليكم ورحمة الله وبركاتة
اعاني ياشيخ من خروج البول وحركات قي القبل مثل التبول في بدايتة عند الاستنجاء وعند الاستحمام وعند الخروج من الحمام ومن شدة خوفي من خروج البول اصبحت اضغط على نفسي في الجلوس وما اقدر املك نفسي اخاف شي يخرج علية ومن كثر ما اضغط بالجلوس احس بخروج بول او حرارة وحرقان وكل ماحسيت بخروج بول وجاء وقت الصلاة ادخل الحمام اغسل لبسي نصفة اوكامل حتى ارتاح لا اني اخاف اني اصلي على غير طهارة ومسفعي وسجادتي تتنجس تعبت كثير ماني عارفة ايش اسوي حتى لما اجي انام احس بخروج بول واخاف احس فرشي وبطانيتي اتنجست احسد اهلي لما اشوفهم اقول ليش انا مو مثلهم بعض الاوقات اطنش واقول ربي يعلم بحالي وهو راح يغفرلي وارجع اخاف اقول انتي نجسة كيف تصلي ولازم تغيري علشان ماتتنجس الاشياء ولما تجلسي الموكيت يتنجس تعبت حتى مكة لما يطلعون اهلي وهم فرحانين ما عندهم هم الا انا فرحانة بطلوع مكة بس اخاف ينزل علي شي من التبول واحرم يتنجس وافضل محرمة وماينفك احرامي والله تعبت ياشيخ الكل حولي فرحان الا انا ابكي من الهم والحزن اهلي طالعين مكة بعد فترة هل اطلع واطنش ولا ما اطلع وايش الطريق للتخلص من الي انا فية هل اذا حسيت بخروج بول اطنش وربي هو عالم وراح يغفرلي
انا افتكر القبر والقيامة والعذاب اقول ايش راح اقول قدام ربي انا خايفة من ربي نفسي اطلع مكة وخايفة