كيف الحل مع زوجتي واهلها

[نجم الشمال]

السلام عليكم ورحمة الله وبركاته

انامتزوج لي شهرين والشهرين كلها مشاكل لا تحترمني
سويت ملكه في قاعه كلفتني الملكه 30,000الف ريال

وانا اتحمل من ايام الخطوبه قالت لي انت زوجي اسم بس قلت ماني مخرب حياتي بيدي ولا اعتذت قلت لها ليش تقولين كذا وتكلمت معها وبعدين اعتذت وكانها لم تقل شئ قلت يمكن زلت لسان حتى اهلها لما اجي بيتهم اجلس معها تجلس امها معنا او اخوها وكل المقابله محدده عشر دقائق او ربع ساعه وانا ساكن في مدينه تبعد عن مدينتهم 250كيلومتر قلت في عقلي تحمل كل ماازورها اجيب معي هداياجسلت معها يومامزح معها قلت لها مافي نت عني بعد الزوج سكتت وحسيت الحزن في عينها قلت لها انا ابي امشي قالت وين قلت لها ابي اروح المستشفى ابي اتعالج وارجع ومشيت وهي لا تعلم الى اين ذاهب انا وذهبت اى السوق واشتريت لهالابتوب جديد بي 3500ريال وجبت معه كونكت ورجعت لهابيت اهلها ولقيت اخوها وامها موجودين ثم اعطيتها الهديه الابتوب وفرحت وقامة تفج اخواتها عليه ولا حصلت كلمة شكرا ولا تعزيز منها قلت يلا يمكن ماهي متعوده تتعود مع الايام وفتحت لها حساب بنكي لكي احول لها مصروف في الشهر مرتين او مره 1000يال او 500ريال قلت اهم شيئ لا تحتاجين شيئ واحسها غامضه ما تصارحني بشئ ولا تفتح لي قلبها قلت يمكن بعد الزواج تتغير الامور سويت العرس وكلفني العرس ما يقارب 130,000الف ريال من غير اثاث البيت يوم الخميس عرسي ويوم الجمعه طلعت شهر العسل رحت الى مكه وبعدها الطائف وبعدها جده وبعدها ابي اروح خارج المملكه واتصلت بي امها وقالت لي لها جائزة لانها متفوقه في الجامعه قلت لها خلاص ابي اسوي لها مفاجأه واتصلت على اختي وقلت لها فصلي لزوجتي عباية حفل التخرج وقلت لها نبي نروح قالت ليه قلت لهامبروك انتي اخذتي جائزة الاولى على الجامعه فرحت ورحنا واستلمت الجائزه وبعدها قالت ابي اروح لاهلي قلت لها ابشري وطلعنا وبعدها رجعنا من عند اهلها ويوم من الايام كنت توني مخلص دوم ورحت البيت وجيتها وقلت لهاسوي لنا عشاء قالت تبي عشاء قوم انت سوي لك عشاء تعوذة من الشيطان

ولا تلبس لي ولا تتزين وعندها برود ولا تتفاعل معي في المنام وانا الي اقول لها قومي البسي خلينا ننام تقول ماله داعي طيب ليش انا متزوج
متزوج انا لكي استقر وارتاح قلت لها خلينا نروح المستشفى تكشفين علشان ارتاح وانتي ترتاحي جيت المستشفى الخاص قلت لهااذا وصل الرقم اتصلي علي علشان ادخل معك عند الدكتوره دخلت في انتظار النساء واخذت بعض الوقت وطلعت ومعها اوراق فحوصات قلت لها ليش ما اتصلتي علي قالت اتصلت وجوالك مقفل قلت لها جوالي ما تقفل قالت ليه انت مكذبني قلت لها لا في عقلي قلت خلها ورحت سويت الفحوصات مايقارب 1500ريال وبعدها قلت لها خلاص اجلسي في انتظار النساء ودخلت على الدكتوره وهي لاتعلم اول ماشافتني الدكتوره قالت اشوف العلاج الي معك واعطيتها العلاج قالت انت تحب الخساره قلت ليش قالت ماشاء الله انت جايب لزوجتك افضل العلاج قالت لي الدكتوره زوجتك تقول لي لم تاخذ علاج قلت لها خلي زوجتي تجي ولما جت زوجتي تفاجأة اني موجود عند الدكتوره قلت لها ليش تقولين لدكتوره انك ما تأخذين علاج قالت انا احسب ان الدكتوره تقول اليوم اخذتي ولا لا قالت لها الدكتوره انا ما قلت لكي اليوم اخذتي علاج ولالا قلت لكي انتي عندك علاج انتي قلتي لي لا ما عندي قالت زوجتي لدكتوره اني كذابه واخذتها واعتذرت لدكتوره على الكلام الذي اصدر من زوجتي وقلت لدكتوره اسف وحقك علي ومشيت وفي السياره تقول لي انت كرهتني عيشتي انت ماتفهم انت جبت لي المرض <انا اعرف ان الزوج الذي يهتم في زوجته تفخر فيه زوجته ان زوجها مهتم فيها > وبعدها ذهبت بها عند اهلها لكي يتصرفون معها ويعرفونها حقوق زوجها عليها وبعد ايام اتصل علي اخيها وقال اختي مريضه بالعين من يوم العرس قلت لم تقل لي شيئ وذهبت وجبتها من عند اهلها وجينا بيتنا والصباح ذهبت بها الى شيخ وقال لي الشيخ زوجتك الحمد لله مافيها شئ قلت الحمد لله وبعدها ذهبت الى البيت وقلت لها ليش ما تصارحيني انا انا زوجك ليش تقولين لاهلك وانا ماتقولين لي وبعدها قلت خلاص انسى الامر فتبين لي انها عندي تقول لي كلام ولا تحترمني وعند اهلها هي البنت المسكينه التي لم تفعل شئ .
واسرار بيتي كل يوم بيومه عند اهلها ..واتصلت علي امها وقالت انا لا اعلم مين فيكم الصادق ومين الكذاب لاكن انا واخوانها نجيكم يوم الخميس وكلكم تحلفون على المصحف .فقلت لها انا احلف على الصدق والحمد لله لم اقل كلمه كذب ...وبعد الاتصال من امها اتصلت عليها امهاوقالت لها تحلفين على المصحف اذا انك اصدرتي كل الكلام الذي قاله زوجك لا تحلفين
ورجعة من العمل الي بيتي واسقبلتني استقبال كنت اتمناه من فتره
واستغربت الانقلاب بهذه السرعه وسكت وكتمتها في صدري ولا تكلمة في هذه السالفه ... وبعد يومين بعد العمل جبت معي قاتوه<طرطه>وسويت لها حفله مفاجئه وفرحت وبعد خمس دقائق اتصلت على اهلها وابلغتهم على كل شئ عن الحفله وارسلت لهم الصور .وبعدهاجلس اسولف معها وقلت لها ابي طفل يحلي حياتي وحياتك فقالت لي انا ما ابي انجب الان قلت لماذا قالت انا التي احمل مو انت فقالت لي ما ابي احمل وطلبت مني الطلاق وانا ما ابي اطلق وكلمت اخيها ان اخته طلبت مني الطلاق وقال لي انا اجيك الى البيت غدا وجاء اخيها وامها وقال لي اخيها انا ماعني بنات تطلب الطلاق وقات له انا ما ابي اطلق فقال لي اختي مريضه فقال لي انا اخذها واعلجها وابيك تصبر علي شهر واحداعالج اختي واربيها واخذها عند زوجتي في بيتي فقلت له لك علي اني اصبر وانا اعلجها على حسابي ونفقتي الخاصه فقال خلاص بعد شهر تجيك اختي مربيه ومطيعه لك واخذها ... وبعد ايام تفجاة واختي تتصل بي وتقول لي ايش الي جايب زوجتك عند اهلها وانت وينك ما تجي اختك وتسلم علي فقلت لها انا مشغول في العمل وهي عند اهلها...لكي اختي لا تحس وتعلم بشيئ ...واخوها قال لي انا اخذها في بيتي عند زوجتي وتبين لي انه كذب علي وذهب بها عند امها واخواتها .... وبعد شهر وثلاث ايام ..قمت بالاتصال عليه قلت له متى تجيب لي زوجتي فقال مالك زوجه عندي فقال لي انت ما تتحكم فيني وفي اختي ..واغلق الجوال في وجهي ...
وكلمت والدي لكي يكلمه وكلمه والدي وقال له متى تجيب زوجة ولدي فقال البنت طالبه الطلاق .. وهي هاجرتني من يوم اخذها اخوها قبل شهر وهي لم تتصل علي وانا اتصل عليها لمترد علي والحين لي شهرين ونص وانا ادق على اخيها ولم يرد علي وادق على جوال زوجتي مقفل له شهرين....
وانا ابي الحل مع زوجتي واهل زوجتي ... وانا ما ابي اطلق وانا خصرت كل اموالي وتحملت الديون والقروض لجل العرس واجلها لكي اسعدها ...

والان ابي الحل < هجرتني لها شهرين ونص لي >

فهل يحق لي ان ارفع عليها قضيه هجر <وبماذا يحكم لي الشيخ>

[الشيخ عيسى]

الحمدلله والصلاة والسلام على رسول الله وعلى آله وصحبه أجمعين ونسأل الله لنا ولكم الثبات والتوفيق
وعليكم السلام ورحمة الله وبركاته
حقيقة تأملت رسالتك فوجدت أنك رجلاً طيب وفعلت كل شيء فيه راحة لزوجتك وبهذا يقدر منك هذا الوفاء لكن المشكلة أن زوجتك لم تقدر هذا الوفاء .
وعلى هذا حاول إرسال من يناصح أخاها ويدخل للمصالحة فإن أبت إلا الطلاق فلك الحق شرعاً في مطالبتها بالرجوع إلى بيت الزوجية ولك أن تتقدم بذلك للمحكمة إما أن ترجع وإما إن رغبت الطلاق وهي مصرة عليه أن تطلب حقك الشرعي وبعد ذلك يحصل الطلاق وذلك في المحكمة الشرعية .