هل هذي شهادة زور؟؟

[ممدوح]

السلام عليكم ورحمه الله وبركاته
ياشيخ لي صاحب او زميل عسكري واشترى بيت من شخص والبنك الاهلي اشترو له
المهم اتصل علي يوم من الايام وقال عطني اسمك الرباعي ورقم بطاقتك قلت ليش قال عشان الشهود ارسلت له بطاقتي بالواتس وانا اعرف انه بيشتري بيت وبعدها اتصلن عليه الظهر قلت بفهم قال حطيتك شاهد معي انا فكرت تعبية البيانات بكتابه العدل بحكم مو فاهم وهو مافهمتي زين وسالت شخص موظف قلت العدل يطلب شهود قال هذا الموظف (لا) واتصلت عليه قلت العدل مايطلبون شهود قال هذي شروط البنك وانا توي فهمت انه كان بالبنك يعبي بيانات الشهود وفكرته كان بالعدل والمهم رحنا لكتابه العدل لنشهد لكن سأل موظف البنك قال مايحتاج حضور الشهود وقال الي بالعقد موجودين وسوا افراغ صك بيت بدون حضورنا وعلى مااعتقد اسماء الشهود مو موجوده بالصك لكن موجوده بورقة العقد للبنك وانا مااعرف ولا فاهم شي والدليل حضرت عند كتابه عدل لان اسمي مسجل كاشاهد لكن سال موظف البنك قال مايحتاج وانا الى اللحظه م ادري اصلا هو مسجلين بصك كشهود او لا لكن بالعقد مسجلين كشاهد لكن ماكنت فاهم احسب نحضر عند الشيخ ونشهد هل هذي شهادة زور لاسمح الله ؟؟

[الشيخ عيسى]

الحمدلله والصلاة والسلام على رسول الله وعلى آله وصحبه أجمعين ونرحب بك ونسأل الله لنا ولكم الثبات والتوفيق
أما الجواب على سؤالكم
وعليكم السلام ورحمة الله وبركاته
هذه الشهادة ليست شهادة زور لأن شهادات الزور هي أن تشهد لتضييع حق لمسلم أو غيره بالكذب والبهتان أما هذه فهي شهادة إن لم تكن لدى كتابة العدل وأنت قلت قالوا لا شهادة هنا فأصبح أنها شهادة العقد لدى البنك هذا ما يظهر لي

[ممدوح]

ايه ياشيخ خويي اتصل علي وقال عطني رقم بطاقتك وانا فكرتها عند كاتب العدل يسجل بياناتنا طلع عند البنك سجل بيانات الشهود لدى عقد البنك
عندي استفسار هو اشترى البيت 400 الف اتفاق مع صاحب البيت ولكن قال للبنك 700 الف وهو سجلني شاهد لدى البنك على للبيعه لكن سبق وفصلت الموضوع هل في ذمتي اي شي علما بااني لادخل لي بريال واحد ولا اخذت ريال واحد ؟؟

[الشيخ عيسى]

هذا التصرف أنت معذور فيه لأن صاحبك هذا أخطأ معك ولم يوضح لك الأمر أما مسألة هذا البيع إن جرى الشراء بينهما 400 ألف وخدعوا البنك وقالوا 700 ألف ريال فهذا لا يجوز شرعا وفيه ربا

[ممدوح]

اهم شي ياشيخ انا مايصير في ذمتي شئ مع العلم اعرف انه بياخذه 400 والبنك اخذ منه 700 لكن لادخل لي بريال واحد !!هل في ذمتي شئ لاسمح الله

[الشيخ عيسى]

هو كما ذكرت لك عملهم هذا لا يجوز شرعاً لأن المال الزائد على البيع الصحيح وهو الأربعمائة خداع وغش على البنك أما أنت فإن كنت تعلم وتجهل الحكم الشرعي فلا شيء عليك ومن ثم عليك بالابتعاد عن مثل هذه البيوع مستقبلا