شيخنا الفاااااااضل

[MEDO_A1]

انا يا استاذنا بمر بظروف غريبة وصعبة جدا وحلوة جدا وجميلة جدااا

جميلة فى ايه فى انى ملتزم بدين الله ولكن صعبة فى انى صعبت الألتزام على نفسى فأنا الوقتى عامل لنفسى جدول وكل اما اغلط فى حاجه لازم اقعد استغفر واعيد الحاجة الى انا غلطان فيها من جديد ماشى دا تمام وكل حاجه لكن انا بقت كل حاجه بعملها غلط يعنى رايح الجامع بقيت بعمل حاجه غلط ازاى يعنى بقيت متلخبط فى كل حاجه يعنى لو حد سجد على الارض وانا بصيتله غصب عنى يبقى انا غضبت الله نظرت الى ما يغضب الله ووالله النظر ليس بشهوه اصلا كمان الناس كلها واغلبهم الوقتى بقت مشيين بطريقة نيلة اوى الرجالة مشين فتحين القميص بتاعهم من فوق كده حتى المحترمين وانا مش عارف الوقتى اكلم الناس اصلا لأنى لو جيت اكلمهم غصب عنى لازم ابص غصب عنى وكل الشباب حتى المحترمين لابسين بناطيل نيلة انا تعبت انا نفسى استريح بس وكمان ماما واختى مثلا معتش عارف اكلم ماما اصلا لأنى كل اما اجى اكلمها مثلا هيا بتكون فى المطبخ سايبه شعرها وانا قلت فى الجدول بتاعى اكثر نظر 5 ثوانى وبعد كده معدش ينفع وكمان اعمل ايه بحثت عن فتاوى بيقولوا لا تددق فى التفاصيل طيب يعنى لو بصيت عادى كده عليا وزر ولا لا انا تعبت والله انا مبسوط اشد الأنبساط بالألتزام لكن مش عارف فى ايه ولو طبعا غلط فى حاجه لازم اقفل على نفسى القوضة او اقعد لوحدى 30 دقيقة اعيد الجدول من جديد يعنى اقول 1 كذا ولما يحصل كذا اعمل كذا ولو اكلمت كذا ابقى كداب


وكذلك بالنسبة لبابا واخويا لو بس بصيت لبابا وهوا قاعد فى البيت محتاج اعيد من الأول لأنى كدا غضبت الله خارج فى الشارع بنات زى النيلة من كل جه وحتى العيال الصغيرة سايبين شعرهم ما الحل ما الحل ولازم طبعا اصلى فى الصف الأول فى الجامع عشان ما ابصش لحد وهو ساجد وطبعا لو اكلمت اى كلمة وحد قلى مثلا سلملى على كذا وانا نسيت لازم اعيد من الأول لأنى كدا بقيت كداب انا نفسى بس ابقى بطيع الله ومعصيش الله واذاكر والعب عادى خالص بس اهم حاجه معصيش الله وكمان يعنى مثلا مرات خال بابا مش كبيره بس بتسيب شعرها لما تطلب منى مشوار مش ببصلها بكلم من غير بص بتزعل ويتريقوا عليا خالتى كانت لابسه مرة لبس لا استطيع النظر اليه فبتقولى حاجه فبكلم عادى من غير ما ابص فقامت قايلة هوا انتا مش بتبص لحريم حاجه تقرف وكذلك هيبقى فى المدرسة الثانوية احنا فصل النيلة المتفوقين هنبقى احنا الفصل الوحيد الى فيه بنات وبنين ومش هعرف انقل فصل تانى اعمل ايه بقى اموت نفسى كذلك انا بقعد اكلم نفسى كل شوية لأنى لما بعمل حاجه من الى قلتلك عليها دى لازم اعيد الحاجه يعنى اقعد اقول يجب الا افعل كذا وكمان انا قايل طاعة الوالدين وماما فيه جمبنا مقله بس بتاعت قرايبنا واقف فيها بنات بس برده كالعادة لابسين طرحة والباقى زفت الطين وهروح هيقعدوا يقولوا متبصش ليه حركات وحشة بقى اعمل ايه بس ودا كله فى قرية ؟؟؟؟؟؟ قولى بقى اعمل ايه نفسى اروح الجامع واجى اذاكر عادى بس بدون ما اغضب الله

[MEDO_A1]

شيخنا الفاضل انا فكرت خلاص وركزت مع نفسى وقررت عادى انا فى البيت مع اختى وماما واخى وابى ماعدا اختى لما تكبر عن 10 سنين ليها احكام خاصة وكذلك فى الجامع عادى غير كده بقى ملتزم بكل حاجه عادى بأذن الله سبحانه وتعالى يعنى الممنوع فى البيت العورة الواضحة ما بين السرة والركبة وغيرها لكن الشعر اليد الوجه الرقبة والنظرة بدون تفاصيل يعنى لو ماما مثلا بتوطى بتجيب حاجه مش هبص عادى او مش هدقق يعنى بدون شهوة وبابا عادى الممنوع بين السرة والركبة واختى عادى زى ماما لغايط لما تبقى اكتر من 10 سنين تمام كده

[الشيخ عيسى]

الحمدلله والصلاة والسلام على رسول الله وعلى آله وصحبه أجمعين ونسأل لنا ولكم الثبات والتوفيق
وعليكم السلام ورحمة الله وبركاته
تصرفك هذا يؤدي إلى الشكوك في النفس والظنون التي هي في غير محلها ولا داعي لمثل هذا الضغط الذي يؤدي يوما إلى الهزيمة النفسية بالإفراط والتفريط كن معتدلاً قي مثل ذلك فالأمر المستحق لغص البصر غص بصرك عنده دون هذه الوساوس التي قد تؤدي بك إلى الإنشقاق بين الروح والنفس والعقل والقلب وتبقى مضطرباً قأوصيك بأن تبتعد عن هذه الوسوسة .