مهمومه بسبب هالكذبه

[آلحائره]

السلام عليكم

ياشيخ اسمحلي اقولك قصتي وبصراحه عشان ارتاح ..

انا دخلت النت مندفعه وسجلت في منتديات مختلطه وكان فيه شخص يحاول يتقرب مني فارسل لي بنت تقول لي هالكلام والبنت لحووحه مره وقلت لها اني مخطوبه عشان تبعد عني وطبعا انا اكذب لاني مو مخطوبه وقتها ..

بعد فتره حسيت اني رابطه نفسي بينهم بهالخطيب الوهمي وتقدر تقول بدى الشيطان يوسوس لي فقررت اقولهم ان هالخطيب مات واني معتده عليه وبرضوا هالشي كذب ..

وكذبت هالكذبه اللي خلت المنتدى بأكمله يتفاعل معاي وحسيت إنهم تعاطفوا مع قصتي وحزنوا علي ونزلوا موضوع للعزاء , طبعا هالفتره كنت ادخل بس قليل

وسبحان الله بعد هالكذبه ماصار لي نفس ادخل كل المنتديات اللي اسجل فيها وشوي شوي لما اعلنت رحيلي من عندهم خاصه لاني حسيت ان حزنهم بسبب مشكلتي الوهميه ..



ومن بعد ماتركتهم انخطبت في الحقيقه واستخرت وارتحت له واهلي حبووه بس ياشيخ انا مو قادره انسى الكذبه اللي كذبتها خايفه ربي يحط عقوبة كذبي في ولد الناس ويموت او شي واعتد عليه ,, وخايفه اكمل هالخطبه بسبب هالكذبه مع اني تركت المنتدى وتبت لربي واستغفرت ناويه اتصدق عن قريب ..



تكفى ياشيخ اوافق والا لا على هالشخص المتقدم لي , لان الخوف يحاصرني دايم من هالكذبه وافكار تودي وتجيب ؟..

[آلحائره]

ياشيخ صح ان ربي غفور رحيم بس انا دايم اخاف انه مايغفر لي هالذنب لاني اثرت على نفسيات الناس وتفاعلوا مع الكذبه ..


الله يسعدك ريحني ..

[الشيخ عيسى]

الحمدالله وكفى والصلاة والسلام على المجتبى رسول الله محمد بن عبدالله عليه افضل الصلاة والسلام
اما الجواب على سؤالك
السلام عليكم ورحمة الله وبركاته
الكذب لا شك انه محرم ولا يجوز شرعاً وما حصل منك عليك الاستغفار منه والتوبة الى الله عز وجل والأستعاذة من البلاء