سؤال مهم اكتير بتعلق بزواجي ..

[ملكة الذكريات]

السلام عليكم ورحمة الله وبركاته

شيخ انا عمري 18 سنة تزوجت لرغبة امي قبل سنة ونص ...لانها كانت على فراش الموت وماتت فعلا بعد شهرين من زواجي

المهم زوجي مسجون لمدة ثلاث سنوات اهله يكرهوني وامه تغار مني المهم انا عندي بنت صغيرة ..من زوجي

المهم شيخ زوجي عم يكبت حريتي واتهمني بالخيانة اكتير وكان يسكر اكتير ويروح بالليل وهو سكران ما كنت بقدر اعمل اي شي بس كله نكد وزعل ودائما اترك البيت لحتى قول يمكن يبطل ويترك السكر والسهر مع الشباب الفاسدين

زوجي هلا مسجون بس حارمني من كل اشي من الروحة لعند اهلي ومن الطلعة من البيت عم حس اني بموت شوي اشوي

وما بثق في اي بنت بالكون لانه كان زاني ..لمدة طويلة

وكان دوما يخانقني مالازم احكي مع حد ما لازم شوف حد ..انا الحمد الله بثق بحالي انا بصلي والحمد الله وما بعمل اشي يغضب الله

بس انا تعبانة اكتير لانه دائما ما بقدر اطلع من البيت الا اذا كان معي حد او اي شخص حتى عند اهلي وما بقدر شوفهم متل الناس والعالم

انا يا شيخ عم بختنق اكتير وحاسة بتعب وملل واشتياق للحياة حتى شغل زوجي رافض مع اني محتاجة للمصاري وما في حد بيصرف علي

انا يا شيخ اتعبت اكتير ومش قادرة كمل مع زوجي لانه دائما ما بسمعني وبيشعر انه انا بخونه مع اني والله والله اني ما بفكر خونه او حتى انه خون الله

ولازم تعرف انه خلاني احلف عالمصحف اني عمري ما حبيت او اني اعرفت شب او اني ممكن نام مع غيره وانا حلفتله بس انا مليت من شكوك زوجي وبدي ابعد وطلقه

هل يجوز ان اتعذب لباقي عمري وانا يا شيخ كاتبة وبحب اكتب واقرأ واجتني فرصة لحقق هدفي واكتب وانشر اكتاب بس زوجي رافض الفكرة
وما بعرف السبب من شان الله احكيلي شو اعمل لاني تعبانة اكتير

والسلام عليكم