هل وقع الطلاق؟!!!!!!!ام سيقع.

[جود الربيع]

السلام عليكم ورحمة الله وبركاته
جزاك الله خير

انا امراة متزوجة وعندي مشاكل مع زوجي من اول ماتزوجت والاسباب كلها تافهه ماتسوى انه يمد يده بالضرب المهم اني دائما اخرج منه زعلانه لاهلي واطالبه يطلقني
يظل وراي يراضيني ويدخل اهله الى ان ارجع بعد سنتين من زواجي خرجت زعلانه
وطلبت الطلاق وتم قالي انتي طالق وقبل ماتنتهي العدة وكان كاتب ورقة الطلاق راح عشان يشهد عليها ناس من جماعتنا اخذها منه الرجال وقطعها وقال له راضها عشان ولدك ومن هالكلام اقتنع منه و حاول معي الى ان رضيت بشروط بيني وبينه عن طريق التليفون سمعني اخوي واخوي هذا به ضعف بعقله المسكين وكذاب الله لايبلى المسلمين
ياخذ كلمه يزود عليه ميه ويقنع الشخص اللي قدامه اخذ كم كلمه من مكالمتي مع زوجي
وراح عند الرجال وقال سوالف عصبت بزوجي اتصل علي وقعد يهزئني ليش تقولين كذا
قلت له انه الولد كذاب ومو صاحي وخلاص انت ماراح تتعدل انا مش راجعه
راح وكتب ورقه من جديد ونفس الرجل قطعها بعدين راح لابوي وراجعني
وكنت صغيره وهو يضغط علي بتصرفاته اللي تنرفز مايراعي نفسيتي بالمرة

سؤالي هل ان طلاقي وقع مرة او مرتين؟

لان الحكاية لم تنتهي استمرت حياتي بعد ذلك الى ان اصبح مدة زواجنا تسع سنوات
وتزوج علي لانه عصب ليش لما ضربني وطردني زعلت ورحت بيت اهلي
بعد ماخطب وقبل ماملك راضني ورجعت زعلت عليه بس ظليت في بيتي وفي بداية زواجه تحسنت معاملته لي وترك ضربي فترة من الزمن وبعد كذا رجع يضرب
صارله سنه وزيادة من زواجه وهو يميل اكثر من ضرتي ويراعيني في البدايه
اكثر منها من بعد رمضان حس انه ظالمها ويبي ياخذ حقها مني!!!! يتصل علي ويهزئني
قدامها على اشياء ماتسوى والله العظيم ويقول لعيالي لا تردون عليها كل هالتصرفات زادت بالفترة الاخيرة تركت له البيت وطالبته بالطلاق برسالة جوال كتهديد واذا طلقني
مااتوقع اني راح اتضايق اكثر لانه وصلني حدي بتصرفاته الهوجاء ونفسيتي من بعد زواجه وهي بالنازل وكنت صابره عشان عيالي بس صار وجودي معهم ماله معني من صار يقل من قيمتي عندهم قلت ابعد عنهم يمكن يتادب زوجي
(اقتراح اني ادخل احد يتكلم معه مرفوض ليش لانه لايتقبل اي احد يتدخل لما تدخلت اخته رغم رفضي ذلك تزوج علي الحين لو احد يتدخل اتوقع يطلقني وانا اذا ابي اتطلق ابي اتطلق بكرامتي)


هل طلبي لطلاق الاخير لي حق به علي اثم ام انه حق من حقوقي التي كفلها لي الله جل في علاه

اعتذر عن الاطاله ارجو افادتي ونصحي قد اكون انا المخطئه!!! حتى ثقتي في نفسي
قضى عليها الله يسامحه