مشكلة مع زوجتي

السلام عليكم يا شيخ


بارك الله فيك في هذا العمل الرائع والموقع الجميل والله ينفع فيه الناس

يا شيخ انا عندي مشكله واقع فيها مع زوجتي . وهذه المشكله انها ما تسمع الكلام
الكلمه اعيدها عشرين مره عشان تسمعه وبعد فتره قصيره تخالف كلامي وترجع مثل ما كانت
يا شيخ والله العظيم واللي رفع الجلال اني تعبت والله من كثر ما اعيد الكلام . وزوجتي ما تهتم واجد بكلامي وبأوامري وطلباتي

فمثلا امرتها انها تلبس جاربات يدين قبل تطلع السوق ازعلت علي وعملت لي مشكله كبيره عشان طلبي هذا وبعد عشرين مره اعيد بالطلب هذا صارت تلبس الجرابات الايدي وبعدها بأسبوع اتفاجأ انها ما تهتم وتطلع من دونها .

هذا احد الاشياء اللي ما تنفذها والاشياء هذه عاديه يعني ما تعتبر بالتسلط او ما شابه .



والمشكله الثانيه انها بطريقة ردودها معاي يبين ان ما تكن اي احترام لزوجها ومافي احترام وهيبه وتقدير لزوجها ترد ردود بايخه لما تتكلم معاي مع انها تحبني حب كبير والله وتعشقني بمعنى الكلمه ولا ترضى اني انام وانا متضايق .



ابيك تشوف لي حل بالمشكله اللي تواجهني هذه يا شيخ والله يجزاك الجنه يا شيخ