السلام عليكم ورحمة الله وبركاته
انا ياشيخنا الفاضل متزوج ولي سته شهور مع زوجتي وهي اصغر مني 10 سنوات وهي ماعندها اسلوب في الحياة الزوجيه وكل ما نصحتها بالكلام تعاند وتقول كلامك غير صحيح حتى ياشيخ مقصرة بحقوقي الزوجيه بمجرد ما اقترب منها والا اجلس جنبها والا المس حتى جسدها تقول لى اخلاقي زفت ونفسيتي تعبانه وحتى اثناء النوم بمجرد ما اطلب منها النوم بقربي او الا قتراب مني ترفض ذلك واذا دعيتها للفراش تزعل واخلاقها تتغير، حتى تقبيلها تمنعني من ذلك مع ان هذا الشي من حق اي زوجين وهذا حلال بينهم، وكنت كلما اتكلم معها او اتناقش معها في موضوع ترفع صوتها و اقول لها من اسلوب الحوار تكلمي بصوت منخفض تقول انا صوتي كذا وتكذب عليا وماتبادلني نفس مشاعري مع اني اقول لها كلام حلو واتغزل فيها تقول لى انت تتريق علي والا تقول اسكت لا تلعب كبدي والا تقول طيب فأنا احبها واموت فيها خايف اخسرها وماني مقصر معاها في اي شي صرت ما اتكلم معاها كثير، حتى بالزوجه الثانية ما افكر لاني ما اقدر استغني عنها هي كل عشقي ويعلم الله بس من اسلوبها وعدم اهتمامها فيني صرت ابحث لى عن حل فتعرفت على فتاة عن طريق مساعدتي لها في العمل وطبيعة عملي لازم يمرون عليا رجال ونساء وجالسنا نسوالف مع بعض عن طريق الواتس اب ومابيني وبينها اي شي والله وفي يوم من الايام جلست زوجتي تفتش في جوالي وشاهدت المحدثات الا بيني وبينها فطلبت مني الطلاق وتكلمت عليا انت خاين وانت مو عاقل توها حست فيني توها غارت عليا وهي موحاسه بالشي الا انا احسه افيدني يا سماحة الشيخ.