السلام عليكم ورحمة الله وبركاته الله يسعدك ياشيخ توجهني لفعل الصواب انا متزوجه ليا 9 سنين وعندي تلاته اطفال وكنت احب زوجي ولكن بسبب تصرفاته الغيره الزايده والتحكم فيا بمبالغه .مثلا لا تضحكي مع اخوانك كدا لا تركبي مع عمك روحي مع دا لا تروحي مع دا ارجعي البيت في دي الساعه ويشك في اخويه انو يسوي فيا شي دايما يلمح لاتركبي مع اخوكي كيف سلمتي على اخوكي وماكان يخليني انام بيت اهلي الابعدسته سنين بعدما اتزوج اخويه .معيشني انا واولادي في غرفه وحده مااخد راحتي كلمتو كم مره لازم ينامو لحالهم كبرو يقولي اصبري لمتى اصبر .مااعارضو في شي واحترمو واهم شي عندي رضا بس قلبي برد وما بقدر اعيش معاه احاول ارجع احبه مثل زمان ماني قادره احس اني بظلمو معايا وبظلم نفسي بامثل اني احبه وكم مره حاولت اتفاهم معاه يقولي انا ابغا كدا انا زوجك تسوي اللي ابغا .مااحس بسعاده معاه ابغا اعيش حره اتصرف على طبيعتي كل حياتي معاه خوف من نكدو وزعلو ابغا اطلب الطلاق واعيش حياتي هل طلبي الطلاق صح او خطا الله يسعدك توجهني
03-13-2014, 02:57 AM
حريتي
العرض الشجري