السلام عليكم ورحمة الله وبركاته
جزاك الله خير الجزاء ياشيخ انا متزوجه من عشرين سنه من رجل سليط السان اذا صارت بيني وبينه مشكله لو كانت تافهه او بسيطه يذهب الى اهلي واخواني ويقول لهم اني مقصره معاه ويختلق الاعذار والالحجج حتى يطلعني غلطانه وكل مصار بيني وبينه مشكله يطردني من البيت ويقول روحي البيت اهلك اذا عندك كرامه والله لا طلقك وانا اصبر عشان عيالي ولااروح
وحتى اهلي ماقول لهم وش المشاكل هو يروح ويقول لهم واذا اسالوني اقول هذا كلام ويروح حتى اهلي اعرفوه الان الان ياشيخ اعيالي اكبروا وهو مازال على ها الحال انا مليت
كل سنه اقول يمكن يتعدل لاكن للاسف لا يتغير انا ياشيخ من كثر الكلام الي يسمعني وطرده لي كرهته وصارت حياتي ممله الان بنتى تزوجت وولدي كبير وانا ماعدت اتحمل خلص والله ضايقه بي الدنيا وانا انسانه الحمد لله مؤمنه واقوم اليل واصوم النهار وخايفه ان زعله مني يؤثر على قيامي وصيامي لانه اذا صارت مشكله يزعل ويجلس شهر ولا اسابيع وهو زعلان
واذا جيت اتسامح منه يطردني ويقول اذا لك كرامه روحي بيت اهلك والله ان تكلمتي معاي كلمه لاطلقك وانا صرت بين نارين الان زعلان مني وانا والله خايفه على صيامي وقيامي هل اطلب منه الطلاق وماذا افعل والله ياشيخ ان معاد في اعصاب تتحمل القهر والظلم وفوق كذا يضيع مني صلاتي وصيامي وش الحل انسان على مدار 20 سنه لم يتغير والله ياشيخ ان حتى الناس مايعرفون شي عني ولا عمري قلت مشاكلي الاحد ولواطلق والله ان حتى مدري وش اقول لناس لان ماعمري شكيت الالربي ودايم اظهر لناس اني مرتاحه وان علاقتنا زينه ومافيه بيني وبينه شي ولا يعرف الي بيني وبينه الا هلي وعيالي بس واهله عارفين عنه انه سليط السان وش السواه وهل يؤثر زعله مني على صيامي وقيامي والمشاكل هو الي يختلقها ولاانا احاول قدر الامكان اني اتحاشى زعله