أرجو أرشاي ياشيخ عيسى

[أم نهى]

السلام عليكم ورحمة الله وبركاته الشيخ عيسى أرجو حل مشكلتي وهي أنامتزوجه ولله الحمد عندي أولأد ولله الحمدوالشكر و أمي ياشيخ دايم تسوي معي مشاكل أبوي متوفي رحمة الله عليه ولاتسأل فيني كنت أسكن في مدينه تبعد عن أهلي 5 ساعات والله خير الشاهدين عليه ماأقصر معهم في شي أعطيهم الهدايا والفلوس أحرم نفسي وأعطيهم نقلت نفس المنطقة اللي يسكنون فيها وطلعو الشيب في راسي والله العظيم صارت تسوي مشاكل بيني أنا وزوجي وبيني أنا وأخواني وكرهت أخواني وخواتي فيه وكرهوني فيهم تقول لاتحضرين مناسبه ولا زواج ولا تروحين عند أحد حتى أقاربي تمنعني أروح لهم تقول أجلسي في البيت ولا تزورين أحد في مستشفى وفي يوم من الايام أكتشفت أنها تكلم بنتي الكبيره تسأل وين أمك وأنا موجوده جنبها قالت البنت أمي نايمه قالت إذا طلعت دوقي أعطيني الأخبار وتتلفظ عليه ولاتحترمني أبد سكنت نفس المنطقه صرت أعطيها في العيد عيديه أوفي مناسبه بس صارت تقول تغيرتي أنتي مسحوره ومريضه عقليآ ويشهد الله الناس اللي أعرفهم وأقاربي يحبوني جدآ قلت لها فهمتها أني كبيره وعندي أولاد وزوج ماتفهم تبغى اللي في راسها يصير زوجي ما يمنعني وهي العكس ومن النوع اللي يحب يشمت توفى واحد من أولادي تتشمت بي حتى الحزن والله ياشيخ ما حزنت عليه عمره 13 سنه وهالحين أنا تعبانه باالقولون العصبي وماتسأل هي ولاأخواني وأخواتي كلهم زي مايقولون مقطوعه من شجره حسبي الله ونعم الوكيل أتمنى منك أرشادي ياشيخ عيسى وأتمنى منك الدعاءلي باالصبر والشفاء وأن يحفظ لي أولادي وزوجي وان يرحم ولدي علي برحمة أنه أرحم الراحمين وأدع ربي يرزقني ولد صالح ويصلح اولادي جميعهم بارك الله فيك وجزاك الله الجنه آمين يارب العالمين .