حائره

[سمر2]

السلام عليكم ورحمة الله وبركاته اللهم صلي وسلم وبارك علي سيدنا محمد الصادق الامين في البدايه انا جديده وحبيت اشكركم علي الموقع الجميل وانشاء الله يكبر بجهودكم ابدا كلامي او مشكلتي انا كمان شهرين هتم 27 سنه الحمدلله بيتقدملي خطاب كتير لان الناس تعرف ان انا سمعت اهلي وسيرتي طيبه معايا بكالريوس خدمه اجتماعيه خروجي من البيت وقت معهدي اجي من الدراسه علي البيت ومحدش مصدق ان انا في عمري ده مااتعرفتش علي حد ودايما يسالوني ليه رافضه الزواج انا مشكلتي ان والدي بيسافر من عمري ليه 27 سنه وامي هيا اللي ربتني ودائما لما والدي بيجي من السفر كنت بشوف الجانب المخيف فيه لان الغربه بتقسي في وجوده ماكنتش بحس بالامان بالعكس دائما خايفه في الشهرين اللي بيقعد فيهم وامي كانت بتخاف عليه لدرجة انها خوفتني من العالم الخارجي ومع الوقت زيها زي اي ام تتمني تزوج بنتها بس ماتعرفش ان المشكله بقت فيا انا واني بقيت بخاف من الرجال لدرجة اني مش متخيله اني ممكن اتزوج من شخص ومايراعيش ربنا فيه ومااحسش بالامان بس الناس مابترحمشي وخاصة لو فيه خطاب وانا مش عارفه اعمل ايه اقبل باي شخص بس انا خايفه اعيش حياتي كلها خايفه ولا انتظر ممكن القي شخص يديني الامان مش عارفه ليه لازم اتجوز بس اللي مخوفني اكتر لو امي جرالها حاجه ازاي هاعيش لان مااعرفش حد غيرها والمشكله ان ما حدش فهمني شكرا واسفه للاطاله