رغم المعارضه هل ربي يختار لي الخير .؟

[ياهم لي رباً كبير]

[frame="1 98"] بسم الله الرحمن الرحيم

الحمدلله والصلاة والسلام على رسول الله وعلى آله وصحبه أجمعين



السلام عليكم ورحمة الله وبركاته



شيخنـآ الفآضل .... اتمنى لك تمام الصحه والعافيه وقبول العمل الصالح




شيخي حبيت استشيرك لان املي بالله ثم بك كبير ويهمني مشورتك




انا ياشيخ والحمدلله احب استخير في كل امر يحصل لي وبحياتي وموكله امري دائماً لله والحمدلله مؤمنه بقضاء الله وقدره



موضوعي ياشيخ .....انه في امر بحياتي حصل وانا ابي هالشي ... وانا مخيره بين قبوله او رفضه ... والاهل معارضيني على قبول هالشيء لأمر ما في انفسهم ... انا ياشيخ استخرت ربي في هالامر ونفسي اسويه واكمله ولكن اهلي من وجهة نظرهم اني ماسوي هالشي رغم انه القرار قراري ومعارضتهم مجرد رأي لا يقدم ولا يؤخر في الموضوع



ياشيخ رغم معارضة اهلي لشي اللي ابيه الا اني انا ابيه وابي اسويه لاني استخرت ربي في هالامر ونفسي مرتاحه لقبوله بس كلام اهلي رددني شوي


سؤالي ....اذا خلاص قررت اني اقبل على هاالامر واسويه وانا مستخيره ربي هل يكون فيه خيره لي اذا سويته .؟ لاني مرتاحه له ولاني استخرت ربي فيه ..؟




وجُزيت الفردوس الاعلى من الجنه [/frame]

[الشيخ عيسى]

الحمدلله والصلاة والسلام على رسول الله وعلى آله وصحبه أجمعين ونسأل الله لنا ولكم الثبات والتوفيق
وعليكم السلام ورحمة الله وبركاته
المرأة عليها إاذ أرادت أن تقدم على أمر أن تبحث أولاً عن النفع ثم التاني في ذلك مع المشاورة مع أهلها خاصة فيما يتعلق بالزواج أو نحوه .
وأيضاً الأسرة لها الحق في توجيه أبناءها وبناتها لما ينفعهم إلا في حالة أن يكون الأمر فيه مضرة على أحدهم فحينئذ له الحق في المطالبة بما ينفعه .

[ياهم لي رباً كبير]

جزآك الله خير الجزاء ونفع الله بك



كي ابين لك الأمر ياشيخ سأتكلم بوضوح اكثر كي تصل لك المعلومه بالصوره المطلوبه



الأمر ياشيخ ان زوجي هجرني مايقارب الأشهر في بيت اهلي وحين محآدثته بوضعنا من قبل شخص قريب لي طلب مني ان ارجع اليه وأهلي رافضين بسبب سوء معاملته وعدم التحكم بتصرفاته وقت الغضب انا محتاره بين طلاقي او رجوعي واهلي لا يؤيدون رجعتي إليه بسبب معاملته السيئه لي

انا استخرت ونفسي ارجع اليه رغم معارضت اهلي لي في قراري بالرغم ان رأي اهلي مجرد رأي والقرار اولاً واخيراً لي لانها حياتي



انا نفسي غير مرتاحه لطلاق واولاً واخيراً موكله امري كله على الله وعندي يقين بأن الله هو اللذي يختار لي الخير سوأ في طلاقي او رجوعي



وسؤالي بالتحديد هل اذا ربي يسر لي رجعتي لزوجي يكون في رجعتي خيره ؟ لاني استخرت ربي؟



وجزآك ربي الجنـه

[الشيخ عيسى]

ما دام أن تصرفاته سيئة ويميل للغضب والضرب والإساءة فالأمر صعب في هذه الحالة فإما أن يحسن وضعه ويحسن علاقته معك وإلا فبيت أهلك أولى من هذه الإساءات .

[ياهم لي رباً كبير]

هو سبق ياشيخ وصار بيننا نفس المشكله واروح لبيت اهلي ولما يرجعني يوعدني ويوعد اهلي بانه سيتغير للأفضل وانه يحسن معاملته لي ويوعدني انه مايكرر اي شي مشين معي ولما ارجع له ولبيتي يتعدل كم شهر وبعدين يرجع لنفس المشكله ... هذي هي مشكلته معي انه يحملني اخطاء غيري ونفسيته لما تكون متكدره من شي يحط كل حرته فيني ويتنرفز على اتفه الأسباب بالرغم ان حياتي معه من غير مشاكل شخصيه بيني وبينه ومن غير اي تقصير من كل الطرفين



انا حالياً مافكر بالطلاق رغم كل شي مستعده ارجع له ومازلت اكن له كل ود واحترام.. ولكن كيف اثق فيه يوم يرجعني بانه مايكرر هالتصرفات معي ولا يحملني اخطاء غيري لاني مافي طريقه ماسويتها معه مره خليته يوعدني قدام اهلي انه مايكرر هالتصرفات معي وقال وعد ماعاد اكررها واستسمح مني ومن اهلي .. لكن كم شهر يرجع لنفس المشكله



كيف ياشيخ اخليه يلتزم بوعده لي

[الشيخ عيسى]

الإلتزام بالشروط يكون أمام رجال لهم ثقلهم ووجاهتهم حتى يكون امر له أثره .

[ياهم لي رباً كبير]

جزآك ربي الجنــه وبارك الله فيـك

[الشيخ عيسى]

حياكم الله