انا عاوز اعرف بس ايه وسائل الترفيه المباحة
يعنى اما اكون فى اجازة نفسى بس العب كورة على الكمبيوتر مع الألتزام بكل ذرة فى الدين بأذن الله بس لو كانت لعبة الكورة على الكمبيوتر فيها ذرة تغضب الله مش عاوزها
فأنا كنت بلعب كورة بس بيقولك لعب الكورة حرام على الكمبيوتر ومش عارف ليه
هما فيه لعبتين لعبة اسمه FIFA 2013 و PES2013 هما دول الى عاوز العبهم بس ونفسى العبهم بس بشرط ميكونش فيه ذرة تغضب الله ودول فى اوقات الفراغ يعنى فى اجازة العيد يوم الجمعة وهكذا وفى غير اى ذرة واى وقت يغضب الله انا كنت بعمل كده فعلا لكن المشكلة ان
اللعبة بتاع شركة كده اسمها konami , ea sports لكن فى مواقع حطاها مجانا وانا مش عارف مصدر اللعبة منين لأن الشركة الى ذكرتها لحضرتك هى التى تنتج اللعبة وبتبيعها بفلوس واتفضل حضرتك شوف بنفسك وحطين معاها حاجه اسمها كراك او سريال عشان تشتغل
مثلا زى الموقع دا يا شيخنا
http://forums.myegy.com/thread152565.html
فهل يجوز ليا تحميلها
وهل فيها نوع من تجسيد الأرواح والكلام ده انا اسف اناا مش بفهم اوى فى المواضيع دى
ياريت حضرتك تشوف كل ذرة فى الموضوع ده وتديلى الحكم النهائى
وهل يا شيخنا ينفع اشوف مبارايات كرة القدم الدورى المصرى ومبارايات منتخب مصر فى التلفاز
علما بان هذه هى الوسائل الترفيه بتاعتى فقط مع شوية اخبار بقرأها من على النت وبدون اى ذرة تغضب الله سبحانه وتعالى
هل يجوز
ولو سمحت لا تصدروا الحكم بناء على رغبتى بل بناء على الشريعة الأسلامية
انا عاوز حكم نهائى معتش اسأل بعده