اقتباس:
المشاركة الأصلية كتبت بواسطة بين يدي الله
بسم الله الرحمن الرحيم
السلام عليكم ورحمة الله وبركاته
ياشيخ..
الامر الان اكبر واعظم..
لان خواتي..ماعندهن نية صلح وانا ضميري دايم يأنبني لاني اخاف الله ولابي اكون قاطعة رحم...والله ثم والله ثم والله..
ان نيتي صافيه اتجاههن وحتى الكيد والمصايب..اللي صارت واستوت ومضت اتناسيتها من اجل ربي جل جلاله..
انا استخرت اليوم لان تفكيري وقف حده وكلام الناس صار يلف ويدور من حولهن..ولاعجبتني نظرة الناس لهن لانهن ماهن على خير...
انا نويت اني اروح واسهر معهن واطفي غضب قلوبهن لان الاربعاء كان موعد جمعتنا من طلعنا على الدنيا لو ما اطول بس احس لحد هنا وكفايه....
حتى امي بس تبكي..مع انها ما اتشوفهن على خطا لكن تقول بناتي تفرقن وانا حيه...
علماً اني نشبت لامي لين صار وضعها معي زين....
وياشيخ لو كان صابت جمعتنا ولمتنا مع بعض عين وهي سبب هالشتات من هالغريبه الحاقده..
وش اللازم نسويه وش اللي نقرا ...
لاني ماني ساكته على الموضوع.
وجزاك الله خيرا |
السلام عليكم..
الحمدلله على ما حكم وقدر..الحمدلله على ما اعطاني ربي من ابتلاء وقوة صبر..
الحمدلله على كل حال
ياشيخ خيره لكن ابي وجهة نظرك لو سمحت...
انا اناعلى اساس اني اروح لاهلي انا ووحده من قرايب زوجي امس الاربعاء وانا كنت متعمده انها تجي معي عشان تكون الجلسه رسميه لكن قدر الله اني تسرعت وكلمت امي الظهر عشان اعطيها خبر بالجيه واعلمها ان معي حرمه .
المهم بالبدايه والله فرحت لكن صار حوار وانقلب نقاش وبعدها تدخلنا بكذا موضوع السوالف جرت بعضها حسيت بالمكالمه ان امي تطش كلام واحسها حاقده علي لكن اللي اعرفه انا اني ما اخطيت ولا هو حل اوعذر انها تغضب علي باسباب كلام ماتدري وش صحته كونه نقل قاااااااااال وقيل وكثرة التأويل..
غلطت بالمشاكسه جابت طاري جارتي الغريبه اللي دخلت بحياتهم وفرقتنا وكانت تتعمد تمدحها عشان تغيضني..جاء طاري طليقة اخوي وكانت تتحارش امي وترت اعصابي لدرجة ان فيه اثار نفسيه بداخلي من مواضيع تسببن خواتي وامي بمشاكل خاصه المهم وقتها انا ما اتحملت قساوة قلب امي ولا اتحملت طشها للكلام وتدعي للي سببن كل المصايب 2 من خواتي الارمله والمهجوره وانا تتعمد تدعي قمت اصيح واصرخ بدون شعور وهي على السماعه واضرب بالتليفون ورميته واصيح
وانهارت اعصابي
جلست على سجادتي وادعي واتحسب لاني مظلوووووومه والله مظلومه
وامي ماهي حاسه بي من تأثير خواتي الحاقدات
دقت العضصر ورد زوجي وعلا صوته وقال لاعاد تدورونها ولا احد يتصل ويكفيها اللي جاها منكم وقفل السماعه بوجه امي........