السلام عليكم ورحمة الله وبركاته
انا ياشيخ امراه اخاف الله في زوجي من ناحية الخدمه وقلة الصرف ومن بيتي لبيت اهلي ومشاكلنا بينا ماتطلع ولله الحمد
و15سنه عمري مارفعت صوتي عليه او ضايقته الا في امر قوي يمس الدين واتكلم معه بهدوء
المهم من شهر انكرت عليه امر ما مااقدر اذكره بالنت ومنها مايكلمني مع اني حاولت اصلح اجلس معه واحب على راسه وابكي وخاصرني بالمره بس اللي يجرحني ويقهرني اني اخدمه واقدم له وهو زعلان واحب ماعلي بس اريده ياكل لكنه هو مايحب مني شي ينادي على الخدامه ويطلب منها اي شي يبغاه وهو داري ان هذا يعذبني
قبل يومين جيته اصيح حتى قلت له معاملته لي واسلوبه الهادي مع الشغاله قال ايه واقول لها طال عمرك واذا مهو عاجبك الوضع روحي بيت اهلك وياصلك مصروفك هناك
وانا انهرت بالبكاء لحظتها لان ابوي الله يرحمه متوفي وبيته بس سكن على قد الحال مابه حياه وانا ماني موظفه واخاف اعيش فيه انا وبناتي وانا داريه غير يظل على هالوضع يمكن شهور لان مافي معاشرة زوجيه بينا بالاشهر وعادي عنده لو سنه وماحسنا متزوجين مايصدر منه اي شي يحسسني بحبه لي
وانا الحمد لله صابره محتسبه الاجر بس خايفه ينفذ صبري
حينها هل لي حق ان اطالبه بسكن لي ولبناتي واطلع ؟
اعذرني ياشيخ اطلت عليك بس اريد اوضح لك الوضع
وجزاك الله خير ونفع بك الاسلام والمسلمين