[سعادة الكون]

في البداية اسال الله العظيم ان يوفقك ويرزقك بما هممت على هذا الجهد الجبار

اخي الشيخ ما في احد ما يعرف الدعاء والحمدالله كل طرق الدعاء ادعيه زوجي انسان عصبي وللاسف بعد ما ولدت تركت بيتي وسكنت عند اهلي لانه اول طفل ولم رجعت بيتي عاملني اسوء معاملة ورجت بيت اهله مرة ثانية ولين ما صار عمر ولدي 7 شهور ولكن استغليت وقتي بالدورات ومحاظرات حول هذا الموضوع رحعت وانا متغيرة 60 % ولكن الحين زوجي صاير معقد وعصبي وما ودي ادخل بالتفصيل لدرجة ما ينام بالغرفة اللي انام فيها وانا ساكنة مع اهل زوجي والطامة الكبرى والدته جدا انسانة ظالمة وتتدخل بالسوء مثلا اذا زوجي دخل ويهددني اني اطلع وارجع بيت اهلي واكون هادية وهو ويقوم زوجي يستعين بأمه عادي تدخل وتتهمني بالفضايح مع اني التزم الهدوء وقت عصبية زوجي

وبدون تفصيل .. زوجي واصل مرحلة الانفصال ويبي يطلق واستدعاني في المحكمة وجزاه الله خير الموجه الاسري عرف حقيقة الطرفين وقالي لو انتي اختي ما شاورتج طلقت علطول لكن انا عندي ولد واحد وعمره 10 شهور وكملت على زواجي سنتين ونص وقناعتي الصبر انا مب راضية بوضعي لكن متفاءلة انه حياتي بتتغير تاريخ 18 شوال رحت العمرة مع والدي ودعيت ربي وانا واقفة عند الملتزم بأن الله يردلي زوجي ويشيل من راسه فكرة الطلاق لكن خايفة وايد خايفة حاولت اخذه بالسياسة مثلا اطلب منه الساعة 3 بالليل ايي الغرفة امثل اني خايفة ( الكذب لاصلاح البين جائز ) لكن للاسف يطنش ... ومثال اخر اذا اخذ ولدي على الالعاب اطلب منه يشاركني ونطلع مع بعض يطنش ... تعبت ماخليت شي ما سويته وحاليا ملتزمة الهدوء والدعاء ولااستغفار والمعاملة الحسنة حتى لو اساء لي ولكن ابا طرق تخلي زوجي يصد عن الطلاق ارجوووك ... صح انا ساكنة عند اهله لكن ما اروح لهم لان قربي من اهله شر وبالذات والدته لما اتقرب منها تتهمني بمرض ولدها وتطلب مني اروح بيت اهلي لين ما يتعالج وكل ما تركت زوجي كل ما زادت الفجوة فقررت واعلنت اني ما بترك بيتي ولا ابا اطلق ........

وللاسف اخوه الكبير هو في مكان ابوه لان والده توفى لكن نسال الله العفو والعافية اخو الكبير دمار لدرجة اني مرة كان عندي مشوار وبالصدفة شفته مع وحدة اجنبية شبه عارية للاسف الشديد بيئة تعيسة جدا جدا ... الله يهديهم


ارجوك ارجوك انصحني شو اسوي