استفهـــــــــــــام
 

الحمدلله والصلاة والسلام على رسول الله وعلى آله وصحبه أجمعين ونسأل الله لنا ولكم الثبات والتوفيق
وعليكم السلام ورحمة الله وبركاته
أخواتك يجب عليهن أن يتقين الله عز وجل ويبتعدن عن القيل والقال وذكر الوشاية لأن هذا محرم ومن كبائر الذنوب ثم تذكيرهن أن من توشي معهن وتؤجج صدورهن بالغضب نحوك أن هذا ليس إلا الغرر في الدنيا والاخرة وأن عليهن أن لا يطاوعن هذه المرأة ومن ثم مناصحة هذه المرأة أن تتجنب التخبيب بينكن لأن هذه مفسدة عظيمة ويلحقها الإثم .
ثم عليك بالصبر والإحتساب والدعاء لهن بالهداية وقابلي كل ذلك بالحسنى لقول الله تعالى ( ادفع بالتي هي أحسن )

المعــــــــذره عن الاطاله لكن انتظر مشورتك
 

السلام عليكم..
الحمدلله على ما حكم وقدر..الحمدلله على ما اعطاني ربي من ابتلاء وقوة صبر..
الحمدلله على كل حال
ياشيخ خيره لكن ابي وجهة نظرك لو سمحت...
انا اناعلى اساس اني اروح لاهلي انا ووحده من قرايب زوجي امس الاربعاء وانا كنت متعمده انها تجي معي عشان تكون الجلسه رسميه لكن قدر الله اني تسرعت وكلمت امي الظهر عشان اعطيها خبر بالجيه واعلمها ان معي حرمه .
المهم بالبدايه والله فرحت لكن صار حوار وانقلب نقاش وبعدها تدخلنا بكذا موضوع السوالف جرت بعضها حسيت بالمكالمه ان امي تطش كلام واحسها حاقده علي لكن اللي اعرفه انا اني ما اخطيت ولا هو حل اوعذر انها تغضب علي باسباب كلام ماتدري وش صحته كونه نقل قاااااااااال وقيل وكثرة التأويل..
غلطت بالمشاكسه جابت طاري جارتي الغريبه اللي دخلت بحياتهم وفرقتنا وكانت تتعمد تمدحها عشان تغيضني..جاء طاري طليقة اخوي وكانت تتحارش امي وترت اعصابي لدرجة ان فيه اثار نفسيه بداخلي من مواضيع تسببن خواتي وامي بمشاكل خاصه المهم وقتها انا ما اتحملت قساوة قلب امي ولا اتحملت طشها للكلام وتدعي للي سببن كل المصايب 2 من خواتي الارمله والمهجوره وانا تتعمد تدعي قمت اصيح واصرخ بدون شعور وهي على السماعه واضرب بالتليفون ورميته واصيح
وانهارت اعصابي
جلست على سجادتي وادعي واتحسب لاني مظلوووووومه والله مظلومه
وامي ماهي حاسه بي من تأثير خواتي الحاقدات
دقت العضصر ورد زوجي وعلا صوته وقال لاعاد تدورونها ولا احد يتصل ويكفيها اللي جاها منكم وقفل السماعه بوجه امي........