معاناة زوجة ثانية
السلام عليكم ورحمة الله وبركاته:
ياشيخ انا زوجة ثانية عمري 23سنة وزوجي 48 سنة لي سنتين ونصف عندي بنت والحين حامل المشكلة ياشيخ اني توظفت بمكان غير مكان اقامة زوجي واسكن عند اهلى يعني انا بمنطقة وهو بمنطقة اخري بس هو متقاعد من وظيفتة وراتية جيد ومعاناتي ياشيخ انة لاياتي الي الابالشهر مرة ويجلس يومين او ثلاث ثم يعود الى زوجتة الاخرى ولايصرف على ولا على بنتي لاني موظفة وانا واللة ياشيخ تعبت منة اقول لة اني احتاجة كثيرا بقربي واريد ان يعدل بعني على الاقل بالشهر عشر ايام يجلس عندى يرد ويقول لي انه عندة عيالة وزوجتة محتاجينة وانه يحب طلعات البر ومايستحمل يجلس عني اكثر من ثلاث ايام واللة مليت منة ولو مابيني وبينة اطفال كان طلبت الطلاق لاني تعبت من اهمالة لي تكفى ياشيخ رد على اذا كان عندك حل انا مااقدر اتحملة اكثر.. وجزاك الله خير وعذرا على الاطالة... |
الحمدلله والصلاة والسلام على رسول الله وعلى آله وصحبه أجمعين ونسأل الله لنا ولكم الثبات والتوفيق
وعليكم السلام ورحمة الله وبركاته حاولي التفاهم معه في هذه المسألة بلطف ومحاورة تؤدي إلى الوصول إلى رأي سديد معه ما تتفقان عليه فلعله خير لأن هناك إرتباط أسري آخر لديه خاصة أنه يرتبط ببلد عاش فيه ففي هذه الحالة يحتاج الأمر إلى التفاهم . |
جزاك الله خيرا ياشيخ
بس حاولت قد مااقدر ويعلم الله اني ماشكيت الا لله ثم لك حتى اهلي واخواني مايدرون ان الوضع هذا مضايقني وانا والله شاهد ماقصرت اذا جاني استقبلته احسن استقبال واعطية حتى من راتبي بس مايفيد فية وكم من مره اقولة ترى اني احتاجة كثير بحكم اني للحين ببدابة زواجي ومحتاجة رجل بكل معنى الكلمة. ماهو رجال مايدري عن حياتي وعن حالي المهم انا عندي سؤال ياشيخ.. س1 هل يجب علي طاعتة بكل شي ,, واذاغضب مني هل ربي يغضب علي؟؟ انا اقول كذا لانة مايقوم بابسط حقوقي ليش انا اطيعية صرت احس اني متزوجة بلا زوج انصحني ياشيخ فانا باشد الحاجة للنصيحة . |
السلام عليكم ياشيخ
بالاضافة اللى سوالي السابق انا دائما في الاجازات اسافر الى زوجي واحيانا تكون الاجازة اسبوع او عشر ايام وبعده اعود الى اهلي سؤالي ياشيخ: هل يحق لي ان اطلب من زوجي ان يبيت عندي كل ليلية بالاجازة كتعويض عن حرماني منه طول الاشهر السابقة؟ لعل ذالك يحقق لي العدل ولو بشي بسيط لانه كان كل تلك الاشهر يبت عندها ولانة بمجرد سفري بنام عندي ليله والليلة الاخرى عندها واذا طلبت منه ان يجامعني قال :لاقدر فانا لم اجامع الاخرى البارحه ويجب ان اعدل!!!!! بالله ياشيخ مارايك اجبني واعذرني على الاطالة.. |
الرجل ما دام لا يؤدي حقوق زوجته الشرعية بل وأبسطها فإن لها الحق في مطالبته ولها الحق في تأنيبه بلطف
|
جزاك االله خيرا ياشيخ
لقد انبته كثيرا ولكن لاحياة لمن تنادي وانا الان افكر بالطلاق لاني لم اعد احتمل ادعو لي ياشيخ |
أسأل الله لك الإعانة والإبانة
|
| الساعة الآن 10:10 AM. |
Powered by vBulletin® Version 3.8.0
Copyright ©2000 - 2026, Jelsoft Enterprises Ltd.