بين نارين بين امي وزوجي
بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته الى والدي الشيخ عيسى جزاك الله الف خير انا لدي مشكله مع امي انا منزوجه منذ 4 سنوات ولاكن معاملة امي لي قبل الزواج سيئه كانت لاتحترمني وتضربني وكنت اقول في نفسي انشاءالله اتزوج وارتاح وتتغير معاملتها لي وتزوجت وعمري 16بس بل زادت معاملتها عن اول كانت بس تهاوش علي قدام خوالي وخالاتي ورايي خطأ ورأي غيري صح وتقول زوجك واطي على راسك ومايلبي لك طلباتك وانا الحمدلله تزوجت رجل بمعنى الكلمه اصبح لي الاب والام والاخ والاخ وكل شي وغير حياتي للافضل لاني وانا عند اهلي مااعرف الصلاه لا انا ولا اخواني لان مافي احد نقتدي به لا ام تصلي ولا اب صدق ابوي يصلي لاكن بس بالبيت وصلاه مستعجله بس اسم يبي يسقط فرض بس والحمدلله زوجي دخل الدين لحياتي طبعا من بعد الله المهم زوجي من عائله معروفه ولهم قوتهم وملتزمين ويصلون بالمساجد ولايعرفون دخان ولا شيشه الحمدلله وعندهم فلوس وطبعهم من الناس اللي تعمر عماير وتأجر وطبعا العمل هذا مايرضي اهلي وخاصه امي تبي زوجي يصرف فلوسه بأشياء مالها داعي ويكبهن علي وهو الحمدلله مايقصر معاي بشي ومثلا لما اكون طالعه مع امي لاحد لازم يجيبون طاري اهل زوجي ويتنقدون عليهم لانهم يخططون للمستقبل ولعيالهم ولحريمهم ويوفرون فلوسهم ولما الناس تجيب طاريهم اجلس من داخلي ارجف وقلبي تزيد نبضاته واحس قلبي يطيح في بطني واجلس ادافع معهم ومع زوجي وامي مايعجبها وتقول ايه علموك طبعا تبيني مثلها اللي لما احد يجيب طاري اهل زوجها اللي هم عمامي عادي توقف مع الناس ضد زوجها واهله انا ماتعودت اوقف ضد زوجي لانه كل شي بحياتي وانا مغتربه مع زوجي ولما نرجع لديرتنا كل اسبوعين ينفتحن نفس المواضيع والمشاكل وابدا ادافع وتبدا مي تقول انتم اصلا لما تجون تدورون المشاكل اجل مره ثانيه لاتجون خلوكم بغربتكم واتضايق من كلامها الحين انا اكبر اخواني واول بنت متزوجه لكم وتعاملوني كذا واتضايق صراحه واتمنى اكون مثل اي بنت متزوجه لا وبعد يجن البنات لاهلهن كل يوم لاكن انا كل اسبوعين اجي ومع ذلك مايتحملوني طفشت ياشيخ اتمنى اتقرب من امي وابوس راسها بس هي تبتعد عني بكثيرررر واحس في حاجزكبير بيني وبينها وتبيني اوقف ضد زوجي على الخطا واعصيه وانا ماتعودت كذا والله ياشيخ احس ام زوجي اقرب لي من امي ينبع منها الحنان يكفي اسمعها تدعي لي عكس امي اللي ماسمعت منها دعوه وحده ولما ازور بيت اهلي احس بضيقه شديده واخواني مايحترموني لانهم يشوفون معاملة امي لي ولما اكون عند اهلي احيانا واصلي تجي امي تقول انتبهي لاتطيح العماره لاني اصلي عطني حل ياشيخ هل اللي اعمله صح اني مع زوجي ضد اهلي لان اهلي ماعمري حسيت انهم يحبوني او احس بالحنان والامان عندهم عكس زوجي اسفه على الاطــــــــــــاله وجزاك الله خيرا وكثر الله من امثالك ياشيخ |
الحمدلله والصلاة والسلام على رسول الله وعلى آله وصحبه أجمعين ونسأل الله لكم الثبات والتوفيق
وعليكم السلام ورحمة الله وبركاته إن مما يؤسف له أن نجد أسراً في المجتمع الإسلامي لا تراعي حق الله عز وجل وحق رسوله صلى الله عليه وسلم ثم حق الآخرين في المجتمع وإن تصرف والدتك تصرف يدل على البعد عن الدين ونقص في الإيمان لأن هذا العمل المشين الذي تفعله معك والتعرض للآخرين بالغمز والهمز لهو من المنكرات العظيمة والله تعالى يقول (وَيْلٌ لِّكُلِّ هُمَزَةٍ لُّمَزَةٍ ) ويقول الله تعالى (مَا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ ) ومن ثم إحتقارنا للآخرين والغيبة في أعراضهم كل ذلك من الأمور المنكرة فقد قال الله تعالى (يَا أَيُّهَا الَّذِينَ آمَنُوا اجْتَنِبُوا كَثِيرًا مِّنَ الظَّنِّ إِنَّ بَعْضَ الظَّنِّ إِثْمٌ وَلَا تَجَسَّسُوا وَلَا يَغْتَب بَّعْضُكُم بَعْضًا أَيُحِبُّ أَحَدُكُمْ أَن يَأْكُلَ لَحْمَ أَخِيهِ مَيْتًا فَكَرِهْتُمُوهُ وَاتَّقُوا اللَّهَ إِنَّ اللَّهَ تَوَّابٌ رَّحِيمٌ ) ولهذا أوصيك بمناصحة والدتك إن استطعت لذلك سبيلاً وإلا إشعار من تثقين به لمناصحتها لتكف عن هذه الرعونة التي ستحاسب عليها وأسأل الله لها الهداية . وأيضاً عليك بالصبر والإحتساب وعدم مجادلتهم ولك أن تقللي الزيارة إلى من يكثر اللغط والغيبة والتعرض للناس في مجالسهم . |
[bor=660033]جزاااك الله الف خير ياوالدي وجعلها الله في موازين حسناتك
لاكن ياشيخ حتى لو ناصحتها او شي راح تزعل او ارسلت احد لهااا بعد راح تعرف ان اللي ارسلته انا وراح تزعل علي والله ماادري وش اسوي وانا بعد ماارجع من عند اهلي وتكون امي عامله لي مشكله اجلس ابكي كثيرررر واقول ماراح اروح لهم مره ثانيه بس مااقدر قلبي مايطاوعني تعبت تعبت من هالسالفه [/bor] |
ارجوا الرد ياشيخ وجزاااك الله الف خير وجعله الله في موازين حسناتك
|
ما دام الأمر كذلك فحاولي الزيارة لهم غباً أي بين حين وآخر مع التقليل من الوقت في الزيارة لغرض صلة والدتك مع الصبر والإحتساب .
|
| الساعة الآن 04:26 PM. |
Powered by vBulletin® Version 3.8.0
Copyright ©2000 - 2025, Jelsoft Enterprises Ltd.