ماهي الكفارة
السلام عليكم ورحمته الله وبركاته
انا تزوجت وعمري 14 ولمن وصل عمري 15 كان اول رمضان لي مع زوجي وبرمضان زوجي كان يلعب حديد يعني رياضة وكان ياخذ الكبتاجون (لحين عرفت انها نوع من انواع المخدرات) وانا وربي ماكنت اعرف وش ذا اللي ياخذه كان يقولي ذا علشان العضلات ولعب الرياضة وكان يفطر بنهار رمضان وكانت انا صايمة وكان يجيني ويطلب الفراش وماكنت امنعه واكثر من مره يفطرني وبعد مااتروش كنت امسك واكمل صيامي والمشكلة لا مره ولا مرتين مادري كم مره بصراحه (رمضان واحد اللي صارت فيه السالفه ولاعاد تكررات) لحين كبرت وعرفت حكم انك تفطر بنهار رمضان متعمد ولازم عليك كفارة لحين انا مادري كم يوم افطرت ومارح اقدر اصوم شهرين او اربع شهور او سته شهور لاني مادري عن ايام اللي افطرت فيه مع زوجي الله يسامحه ويهديه وش الحكم اصوم طيب مادري عن الايام او اطعم 60مسكين بس مادري كم يوم ويشهد علي الله من فوق سابع سماء كنت جاهلهة مادري عن الحكم وزوجي يتهاون بامور الدين كثير ولا كان يدري وكنت اعتبره عادي زي ماتفطرين علشان الدورة وتقضين عن اليوم بيوم زيه السالفه ذي لها 14 سنه ولحين انا كبرت وفهمت وابغ اكفر عن ذنبي ساعدني يسعدك ربي دنيا واخره يارب لو كنت ادري والله العظيم اني ماافطر لو علي قطع رقبتي بس وش اقول كنت جاهلة لابعد درجة جزاك ربي الجنة بلا حساب ولا سابق عذاب |
الحمدلله والصلاة والسلام على رسول الله وعلى آله وصحبه أجمعين ونسأل الله لنا ولكم الثبات والتوفيق وعليكم السلام ورحمة الله وبركاته ما دام أن لديك جهل في مسألة جماع زوجك لك في نهار رمضان أنه لا يجوز وأن فيه كفارة فعلى هذا لا شيء عليك وإن اجتهدي في عدد الأيام وقضيتيها احتياطاً كان أفضل . فمثلاً لو قلنا أصابك جماعاً أربع مرات اجعليها خمس مرات في خمسة أيام فعليك قضاء خمس أيام وهكذا . |
بسم الله الرحمن الرحيم
السلام عليكم ورحمة الله وبركاته جزاك ربي الجنة بلا حساب ولا سابق عذاب طيب اصوم الايام علي طول وراء بعض او اقدر اصومه بالتجزئة وزوجي ياشيخ وش كفارته |
الأصل أن كفارة الجماع في نهار رمضان صيام شهرين متتابعين
|
| الساعة الآن 11:33 AM. |
Powered by vBulletin® Version 3.8.0
Copyright ©2000 - 2025, Jelsoft Enterprises Ltd.