نور الله طريقك ياشيخ ابي الاجابه
 

السلام عليكم ورحمة الله وبركاته
ياشيخ انا بسالك سوال واتمنى تجاوبني بصدق لاني حاسه كل ماسال احد يجاملني عشان مايبي يخوفني تكفى ياشيخ انا واثقه انك راح تساعدني بحكم انك شيخ وماراح تجاملني مثل الاخرين . .



سؤالي هو انا واختي تخاصمنا لانها تتأمر علي وكأني خادمه عندها انا عصبت عليها وقلت لها لاتتحكمي فيني وانتي ماهميتيني وشرايك اقول لك ياسيدتي تامري امر (- قلتها باستهزاء
هي كانت واقفه وانا جالسه وجت في بالي كلمه بس مادري حديث نفس ولا وش مو متاكده المهم كانت هذي الكلمه هي (- اسجد لها )
وحسيت كأني قمت وسجدت لاختي بس اختي ماكانت واقفه ومطوله بالوقوف؟ يعني لو سجدت هي بتغير مكانها وبتتحرك واكون ساجده وقدامي مافي احد بس ياشيخ انا مدري سجدت لها ولالا انا خايفه مره ومو قادره كل يوم صياح وبكى اخاف اني اشركت بالله اسالك بالله ياشيخ تنورني بالاجابه اسالك بالله والله يبلغك شهادته . . تقول لي الرأي الصح ماحكم هذا وفرضا سجدت هل اعتبر مشركه ولا كافره لان ياشيخ انا اعرف مصطلح الشرك واعرفه زين وهو صرف العباده لغير ربنا بس انا ماصرفتها انا كل خوفي اني سجدت ولالا مدري شاكه وكثير براسي اوهام ابي الاجابه ولا تتاخر .. ..

الحمدلله والصلاة والسلام على رسول الله وعلى آله وصحبه أجمعين ونسأل الله لنا ولكم الثبات والتوفيق
وعليكم السلام ورحمة الله وبركاته
ينبغي عليك محاولة التخلص من الوساوس لأن كل ما حصل لك هو من هذا الباب والشيطان حريص على أن تكوني موسوسة وما اعتراك من هذا الوسواس لا شيء عليك منه لقهره المتسلط على فكرك وعلى هذا تعوذي بالله من ذلك .